बिजौरी, ३० साउन ।

तुलसीपुर १९ हाडिमेमा रहेको नयाँ पाइला पुर्न स्थापना केन्द्रले प्रादेशिक आयुर्वेद चिकित्सालयका डाक्टर रामकामेश्वर ठाकुरलाई सम्मान तथा बिदाई गरेको छ । संस्थाका निर्देशक सुरेश भुसालको अध्यक्षता एवम महिला नेतृ सुष्मा गिरीको प्रमुख आतिथ्यतामा बिदाई कार्यक्रम आयोजना गरिएको हो ।

कार्यक्रममा डाक्टर रामकामेश्वर ठाकुरलाई दोसल्ला,सम्मान पत्र,अविरले सम्मान गरिएको थियो । संस्थाका निमित्त निर्देशक सुरेश भुसालले डाक्टर रामकामेश्वरले लागुपदार्थ दुव्र्यशनी उपचारार्थीहरुका लागि योगा, ध्यान,चेकजाँचका माध्यमबाट उल्लेखनीय योगदान पु¥याएको बताएका थिए । डाक्टर रामकामेश्वरको नरदेवी चिकित्सालय काठमाडौमा सरुवा भएको छ ।

कार्यक्रममा योग प्रशिक्षण संगीता उपाध्याय लगायतकाले मन्तव्य व्यक्त गर्नुभएको कार्यक्रमको सञ्चालन संस्थाका प्रेस सल्लाहकार गोकर्ण पौडेलले गरेका थिए ।