दिल्ली । भारतमा वितेको २४ घण्टाभित्र ६२ हजार कोरोना संक्रमति थपिएका छन् । भारतमा सक्रिय कोरोना संक्रमति संख्या ४.५२ लाख पुगेको छ ।

स्वास्थ्य मन्त्रालयका अनुसार भारतमा भाइरसबाट संक्रमित हुने संख्या १.१९ करोड पुगेको छ । पछिल्लो दिनमा महाराष्ट्र सबैभन्दा बढी प्रभावित बनेको छ जहाँ २४ घन्टाभित्रमा ३६ हजार ९०२ संक्रमित थपिएका छन् ।

अर्को प्रभावित मुलुक ब्राजिलमा मृतक संख्या ३ लाख नाघेको छ । २४ घन्टामा ब्राजिलमा ३ हजारभन्दा बढीको मृत्यु भएको छ । मृतक संख्या ३ लाख नाघेपछि पूर्वराष्ट्रपति लुलाले यसलाई अहिलेसम्मकै ठूलो नरसंहार भएको टिप्पणी गरेका छन् ।