छिमेकी देश भारतमा गत २४ घण्टामा साढे ९६ हजारभन्दा बढीमा कोरोना भाइरस संक्रमण पुष्टि भएको छ। यस अवधिमा त्यहाँ ४४५ जना संक्रमितको मृत्यु भएको छ । यस्तै‚ ब्राजिलमा पछिल्लो २४ घण्टामा ३८ हजार जनामा संक्रमण पुष्टि भए पनि यसअवधिमा त्यहाँ ज्यान गुमाउने संक्रमितको संख्या अन्य देशको तुलनामा सबैभन्दा बढी रहेको छ । ब्राजिलमा पछिल्लो २४ घण्टामा १ हजार ६२३ जना संक्रमितको मृत्यु भएको छ ।

अमेरिकामा थप ४७ हजार १०० जनामा संक्रमण देखिदा ४०४ जनाको मृत्यु भएको छ । यसैगरी टर्कीमा थप ४२ हजार ५००, अर्जेन्टिना र इरानमा समान १३/१३ हजार, कोलम्बिया र युक्रेनमा १०/१० हजार जना थप संक्रमित फेला परेका छन् । यससँगै विश्वभर हालसम्म कोरोना भाइरसबाट संक्रमित हुनेका संख्या १३ करोड २३ लाख ९० हजार २१४ पुगेको छ भने हालसम्म विश्वभर २८ लाख ७३ हजारभन्दा धेरैजना संक्रमितको मृत्यु भइसकेको छ ।