काठमाण्डाै । पछिल्लो २४ घण्टामा तीन सय ३२ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी नौ हजार नौ सय २० जनाको नमुना परीक्षण गर्दा तीन सय ३२ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । अहिलेसम्म नेपालमा पीसीआर विधिबाट गरेको परीक्षणमा आठ लाख २० हजार चार जना र एन्टिजेन विधिबाट ९५ हजार तीन सय ९७ जनामा सङ्क्रमण पुष्टि भएको छ ।

मन्त्रालयले सार्वजनिक गर्ने विवरणमा एन्टिजेनबाट सङ्क्रमण पुष्टि भएको विवरण छुट्टै सार्वजनिक गरे पनि उनीहरू निको भएको विवरण भने सार्वजनिक गरेको छैन । यस्तै पछिल्लो २४ घण्टामा दुई सय ३२ जना सङ्क्रमणमुक्त भएका छन् । योसहित काेराेनाबाट निको हुनेको सङ्ख्या आठ लाख एक हजार एक सय २२ जना पुगेको छ ।

यही अवधिमा थप चार जनासहित नेपालमा अहिलेसम्म कोरोना भाइरसको सङ्क्रमणका कारण ११ हजार पाँच सय १३ जनाले ज्यान गुमाएका छन् । अहिले नेपालमा सात हजार तीन सय ६९ जना काेराेनाका सक्रिय सङ्क्रमित रहेका छन् । पछिल्लो २४ घण्टामा एक लाख ४७ हजार दुई सय ६२ जनाले कोरोनाविरुद्धको खोप लगाएका स्वास्थ्य तथा जनसङ्ख्या मन्त्रालयले जनाएको छ ।